Inter duket se po e merr veten pas startit jo shumë të mirë këtë sezon. Në merkaton e verës skuadra u kompletua pothuajse në të gjitha repartet, por Ausilio dhe drejtuesit e Suning mendojnë për një “dhuratë” në mesfushë, për Luciano Spallettin.
Lucas Tousart është lojtari që ka impresionuar Ausilion, i cili e ndjek prej kohësh, teksa në gjurmët e tij janë edhe ekipet e mëdha angleze dhe vlera e kartonit të tij ka arritur deri në 35 milionë Euro.
Në janar do të jetë e vështirë për ta shkëputur nga Lyon, por në verë gjërat do të ndryshojnë, pasi zikaltërit dalin edhe nga regjimi i Fair Play Financiar dhe nuk do të kenë limite në listën e lojtarëve.
