Bayerni i Minyhut në krizë? Nëse sheh fotot e realizuara me rastin e Oktoberfest”, nuk do ta besosh kurrë që kampionët e Bundesligës në takimin e fundit janë mposhtur 0-3 në “Alliaz Arena” nga Gladbahu. Fytyra të qeshura, si të futbollistëve dhe të drejtuesve të ekipit bavarez, që duket se e mendojnë thjesht një shaka të momentin ecurinë në takimet e fundit. Lojtarët, të shoqëruar nga bashkëshortet apo partneret e tyre shfaqen me veshje tradicionale dhe me gota birre në dorë. Në “Oktoberfest” është rasti të gëzosh dhe të harrosh të paktën përkohësisht zhgënjimet.
