Peskara e Ledian Memushajt vazhdon formën fantastike në Serinë B italiane. Me fitoren e sotme 2-1 ndaj Beneventos në shtëpi, Peksara merr vendin e parë, me 15 pikë, pas 7 javësh kampionati.
Sfida ndaj Beneventos nuk ishte aspak e lehtë, por të besuarit e trajnerit Pijon, ja dolën të marrin 3 pikë mjaft të rëndësishme. I pari që shënoi ishte Mankuzo, me një goditje me kokë në minutën e 37-të, pas harkimit fantastik të vlonjatit Memushaj nga goditja e këndit.
Me fillimin e pjesës së dytë, Viola për miqtë e Beneventos barazoi shifrat, por vetëm përkohësisht, pasi 2 minuta më vonë, Mashin kaloi përsëri në avantazh Peskarën, duke vulosur me rrjetën e tij fitoren.
Memushaj u ndëshkua edhe me karton të verdhë në minutën e 69-të, por gjithsesi ai mbetet një nga pikat më të forta të Peskarës, në luftën për ngjitjen direkt në Seria A, në fund të sezonit. Tashmë, Verona ndjek me 2 pikë më pak në renditje.
