Legjenda e Milanit, Billy Costacurta, foli për “Sky Sport” rreth derbit të Milanos, kjo është ajo çfarë ai tha në lidhje më sfidën e së dielës:
“Golat? Të gjithë presin gola nga Gonzalo Higuain dhe Mauro Icardi, por unë pres surpriza. Hidhni një sy te Milan Skriniar dhe Alessio Romagnoli, ata mund të bëjnë diferencën tek goditjet e këndit,” ka thënë ish-qendër mbrojtësi i kuqezinjve.
“Musacchio? Ai është shumë agresiv, kështu që mund ta markojë Icardin gjatë gjithë ndeshjes. Inter-i ka një skuadër e fortë dhe ka shumë cilësi në krahët e sulmit, me lojtarë si: Perisic, Politano, Candreva”.
“Mendoj se Inter-i është më shumë fizik por tek Milani mund të ketë më shumë talent. Ende mendoj se Inter-i është para Milanit, por derby është i paparashikueshëm. Rino Gattuso? Ai gjithmonë kërkonte që të përmirësohej si lojtar dhe këtë e shohë edhe tani që është trajner”.
“Ai është një njeri fantastik dhe mund të them vetëm gjëra të mira për të. Lojtari më i mirë që më është dashur të markoja ishte Ronaldo, ai ishte një makth…”.
