Kylian Mbappe nuk do të ndryshojë kurrë: ai ka lindur për të shënuar gola dhe për të shtrirë përtokë me lëvizjet e tij çdo rival.
Kjo, për fatin e tyre të keq, vlen edhe për shokët e tij të skuadrës. Një nga seancat e fundit të kombëtares së Francës ka qenë super argëtuese për yllin e PSG-së, i cili me një lëvizje të vetme ka turpëruar mesfushorin ofensiv të Barcelonës, Ousmane Dembele.
Ky i fundit është përpjekur t’i marrë topin 19-vjeçarit, por është rrëzuar dhe grupi i skuadrës së “Gjelave” është tallur me të. Mbappe e ka postuar videon e këtij episodi në rrjetet sociale duke i kërkuar falje shokut. Sigurisht, me ironi, sepse ai e ka shijuar në maksimum.
Pra, mesazhi u mor! Herë tjetër sferën kërkojeni diku tjetër, jo te Mbappe. Ai nuk është lojtar i zakonshëm. Ai do të fitojë “Topin e Artë”.
