Tenisti serb Novak Djokovic fitoi sot turneun Masters të Shangait, duke mundur 2-0 (6-3, 6-4) në finale kroatin Borna Coric, një ndeshje që zgjati një orë e 30 minuta. Gjithçka shkoi sipas parashikimit, me serbin që triumfon për të katërtën herë në karrierën e tij në këtë turne (2012, 2013 e 2015 fitoret e mëparshme), sukses që i jep mundësi të ngjitet në vendin e dytë të renditjes botërore, duke parakaluar Roger Federer dhe duke qenë vetëm pas Rafael Nadal.
Coric, që për here të parë dilte në finalen e një turneu Masters, në gjysmëfinale pat eliminuar pikërisht Federer. Kroati bëri maksimumin për të ndalur edhe Djokovic, por e pati të pamundur, duke mos qenë në gjendje të rivalizojë. Në të dyja setet ishte serbi ai që dominoi me lojën e tij, duke u shkëputur që në “game” e parë dhe më pas administroi avantazhin. Për Djokovic ky është suksesi nr.72 në karrierë, i katërti këtë sezon, ku është rikthyer protagonist pas një viti në dritëhije.
Novak #Djokovic wins the Shanghai Masters title!
Masterclass from the great Serbian, who beats Borna #Coric 6-3 6-4 to claim his fourth title in Shanghai.
He will of course rise to No. 2 on Monday- at this rate, No 1 by the end of the year is a real possibility!
Unstoppable! pic.twitter.com/KGqLd09Lzw
— Live Tennis (@livetennis) October 14, 2018