Portieri i Milanit dhe kombëtares italiane të futbollit, Gigi Donnarumma, në një intervistë për ESPN pranon se kolegu i tij Gigi Buffon i ka dhënë shumë këshilla gjatë kohës që kanë qenë së bashku më ekipin kombëtar dhe jo vetëm. Milanisti kujton një episod të veçantë me ish-portierin e Juves, pas finales së Kupës së Italisë, ku bardhezinjtë fituan 4-0 dhe Donnarumma ishte protagonist me dy gafa që bëri në portë.
“Pas finales së Kupës së Italisë u takova me Buffon në fushë. Më tha që të isha i qetë dhe të mos nervozohesha. Më tha që të jem gjithnjë luftëtar e të mos dorëzohem, duke qëndruar me këmbë në tokë në çdo moment. Tani i kuptoj atë fjalë dhe e shoh situatën ndryshe nga më parë. I analizoj gjërat ndryshe në fushë dhe jashtë saj. Ndaj nuk kam për ta falënderuar kurrë mjaftueshëm Buffon për këshillat që më ka dhënë”, tha Donnarumma.
