Trajneri i Barcelona-s, Ernesto Valverde ka folur për krizën që ka pushtuar Real Madridin.
Në një prononcim për mediat iberike, tekniku i Barçës thotë se Reali nuk duhet të nënvlerësohet këtë sezon.
“Madrid në vit tranzicioni? Nuk besoj se kjo gjë ekziston. Ata janë si ne, jam i sigurt që do të reagojnë. Është akoma herët,” shprehet Valverde.
“Nuk e di nëse Real është më i rrezikshëm apo jo pas mbërritjes së Solari-t në stol. E kam thënë më përpara se Real është gjithmonë i rrezikshëm dhe një nga rivalët për titull.
“Ata janë akoma në të gjithë kompeticionet dhe do të mundohen të fitojnë kampionatin, ashtu siç do të bëjnë edhe të tjerët.
Deklarata e klubit pas shkarkimit? “Nuk kam asgjë për të thënë mbi këtë çështje, por nuk më pëlqen kur trajnerët shkarkohen.
“Ne jemi pjesë e botës së futbollit dhe e dimë si shkojnë gjërat. Ka ulje-ngritje. Kur fiton është mirë, kur humb do të ketë trazira”, përfundoi ai.