Mesfushori gjerman i Real Madridit, Toni Kroos, i ka thënë lamtumirë Julen Lopeteguin duke e postuar një mesazh emocionues në llogarinë e vet personale në rrjetin social Twitter, një ditë pasi spanjolli u shkarkua nga posti i trajnerit të klubit.
Kroos e ka quajtur Lopeteguin trajner të madh dhe person madhështor derisa i ka thënë lamtumirë, pas vetëm dy muajve nën urdhrat e tij.
Më parë, marrëdhënia e Kroosit me Lopeteguin u vu në pikëpyetje pas deklaratave të gjermanit se nuk ishte i lumtur me rolin e ri në skuadër dhe pozitën në fushë, të cilin ia kishte ndërruar Lopetegui.
Megjithatë, Kroos i ka thënë lamtumirë atij me pendesë.
“Humbja më e madhe e lojtarëve është kur trajneri duhet të largohet, veçanërisht në këtë rast sepse ai është trajner i madh dhe person madhështor. Faleminderit Julen!”, shkroi Kroos në Twitter.
