Skuadra e Llapit, në Superligën Kosovare, ka vendosur të shkarkojë trajnerin aktual Bylbyl Sokoli, pas rezultateve të dobta në kampionat.
Në një postim në faqen zyrtare të klubit bëhet e ditur se asyet kryesore të shkarkimit të trajnerit ishin rezultatet jo të mira si dhe mungesa e harmonisë mes tij dhe lojtarëve.
Klubi nga Podujeva e falenderon trajnerin Sokoli për punën e bërë me ekipin dhe bën me dije së janë në bisedime me tre trajnerë të tjerë për stolin e skuadrës.
“KOMUNIKATË ZYRTARE
KF Llapi nga mbledhja e mbajtur ka analizuar dhe shqyrtuar me vëmendje ecurinë e kampionatit për këto tetë xhiro dhe nga kjo kemi ardhur në përfundim se shkarkimi i Kryetrajnerit, Bylbyl Sokoli ishte i paevitueshëm.
Arsyejet kryesore të shkarkimit të tij ishin rezultatet jo të mira të skuadrës në këto tetë xhiro si dhe mungesa e harmonisë mes lojtarëve dhe kryetrajnerit që dolën të jenë mungesa e rezultateve të deritanishme.
E falenderojmë Kryetrajnerin Bylbyl Sokoli për kohën e kaluar në KF Llapi, ndërsa Drejtori Sportiv, Tahir Batatina është në bisedime me tre trajnerë për të ardhur në stolin e Llapit.
