Ish-presidenti i Interit Massimo Moratti duket se do t’i kthehet shpejt futbollit. Njëri prej industrialistëve më të fuqishëm në Itali është propozuar së fundmi si kandidat për postin e presidentit të Federatës Italiane të Futbollit.
E çuditshmja është se 73-vjeçari është propozuar nga njëri prej rivalëve më të mëdhenj në futboll, presidenti i Juventusit Andrea Agnelli, i cili kryesoj Këshillin e Klubeve Europiane.
Idesë së Agnellit i është bashkuar dhe presidenti i ligës italiane të futbollit Seria A Gaetano Micciche.
Moratti i drejtoi Interit për 21 vite me radhë duke investuar fuqishëm në shndërrimin e Interit në njërën prej skuadrave më të forta të Italisë dhe Europës. Gjatë presidencës së tij, zikaltërit fituan 5 tituj kampionë dhe Champions League-ën në vitin 2010.
