Ish-sulmuesi i Partizanit, Kaleb Ekuban, vijon të shkëlqejë në kampionatin turk të futbollit me fanellën e Trabzonsporit. Futbollisti ganez realizoi dopietë në minutat 8 dhe 28-të, në sfidën ndaj Ankaraguçusë të Endri Çekiçit.
Mesfushori pogradecar ishte titullar në këtë përballje, ku ekipi i tij u mposht me rezultatin 4-1. Shqiptari u zëvendësua në minutën e 71-të të sfidës.
Ndërkohë për sa i përket Ekubanit, me dopietën e sotme, ai u ngjit në kuotën e 8 golave, në 29 javë kampionat, si dhe ka dhënë 3 asiste për gol.
Trabzonspori ndodhet në vendin e 4-t me 52 pikë, ndërkohë që Ankaragucu e Çekiçit lufton për mbijetesë, me 29 pikë në 28 ndeshje.
