Ergys Kaçe nuk do të jetë i gatshëm për ekipin e Panathinaikosit për ndeshjen e Kupës së Greqisë, por nuk do të mungojë për Kombëtaren e Shqipërisë. Mesfushori vuan nga një enjtje në kyçin e këmbës në ndeshjen e fundit në kampionatin helen.
25-vjeçarit i duhet më tepër se një javë për të marrë veten dhe sipas parashikimeve, Kaçe do të ketë mundësinë të luajë plotësisht në sfidën e Ligës së Kombeve me Izraelin.
Kaçe u lëndua në momentin më të mirë të tij, pasi po merrte minuta të rëndësishme me ekipin e Panathinaikosit. Një paraqitje e mirë me Kombëtaren do të rriste akoma më tepër besimin e trajnerëve Panucci dhe Giorgos Donis ndaj tij.