Futbolli anglez është tronditur mbrëmë nga një tragjedi që ka ndodhur në klubin e Leistërit. Helikopteri i presidentit të klubit, Viçai Srivadhanaprabha pak pasi u largua nga stadiumi ku luajti Leisteri, pësoi një defekt teknik dhe shpërtheu.
Raportohet se në helikopter, kanë qenë dy pilotët dhe presidenti i “dhelprave” së bashku me vajzën e tij dhe një person tjetër. Në emisionin pas takimit Leister-Uest Ham, është transmetuar në mënyrë direkte momenti kur helikopteri i presidentit po largohej nga stadiumi dhe pak minuta më vonë, ka pësuar defektin.
Megjithëse kanë kaluar disa orë nga aksidenti, ende nuk raportohet asgjë në lidhje me gjendjen e personave të cilët akne qenë në helikopter dhe nuk ka një raport zyrtar nëse dikush është gjallë apo kanë vdekur të gjithë.
