Më 31 dhjetor huazimi i Gabriel Barbosa-s te Santos do të përfundojë.
Sulmuesi brazilian me shumë mundësi nuk do të qëndrojë te Inter dhe tani ka dalë një hipotezë e re që e rikthen në Brazil, por jo te Santos.
Ekipi që interesohet për sulmuesin është Flamengo. Në mënyrë që t’i mbushë mendjen Inter-it për t’i dhënë shërbimet e Gabigol, Flamengo i ofron një lojtar në shkëmbim.
Bëhet fjalë pikërisht për një talent të madh brazilian, Lincoln. Ai është vetëm 18-vjeçar por që tani ka filluar të përflitet si një lojtar me të ardhme të madhe.
“Do të ishte zgjidhja ideale për të dyja palët. Gabigol është një sulmues i madh, por edhe Inter do të merrte një sulmues me të ardhme të madhe,” shprehet agjenti i Lincoln.
