Partizani u dha fund dje përgatitjeve për Skënderbeun në Elbasan, ku trajneri Gega ka dhënë udhëzimet e fundit për ndeshjen e sotme. Seanca e djeshme ka dhënë sinjale të mira, sa u përket lojtarëve me probleme. Të gjithë ata që patën probleme gjatë javës, së bashku me portierin Hoxha që mungoi ndaj Luftëtarit, e kanë kryer të plotë seancën.
Nisur nga kjo seancë, i bie që Hoxha të kthehet titullar ndaj Skënderbeut, ku do të mbajë edhe shiritin e kapitenit. Gjithsesi, situata e portierit mbetet në monitorim dhe për aktivizimin e tij do të vendoset vetëm pas nxehmjes që do të bëhet sot në stadium. Me Trashin të pezulluar nga klubi, i bie që Renaldo Kalari ta nisë si titullar në të majtë të mbrojtjes.
Ndërsa, pjesa tjetër e formacionit parashikohet e njëjtë si në ndeshjen e fundit me Luftëtarin. Mbrojtësi “veteran” ka pasur disa shqetësime gjatë kësaj jave, por duket gati. Në mungesë të Kalarit dhe Trashit të pezulluar ishte parashikuar që Atanda të luante i majtë dhe Belica me Gojkoviçin të formonin qendrën e mbrojtjes.
