Sulmuesi i West Ham United, Javier Hernandez ndoshta nuk është në formën e tij më të mirë në Premier League, por sigurisht jashtë fushës së blertë është tejet ndryshe. Ylli meksikan duket se ka qëlluar në shenjë këtë herë. Ai ka një të dashur tepër seksi dhe bukuroshe. Bëhet fjalë për modelen dhe blogeren, Sarah Kohan, e cila është diplomuar për drejtësi. Bukuroshja bionde është e dhënë pas modës, fotografive dhe mbi të gjitha udhëtimeve. Në profilin e saj në “Instgram”, ku ka mbi një milionë ndjekës, Sarah poston foto dhe video të shumta.
Natyrisht, sikurse modelet e tjera edhe ajo e përdor këtë rrjet social për marketing, madje më së miri. Ajo duket kaq e dashuruar pas sulmuesit meksikan, të cilit ia ka shprehur ndjenjat publikisht edhe përmes një postimi të ndjerë në ‘Instagram’. Sarah dhe Chicharito janë padyshim një nga çiftet më simpatikë në kampionatin anglez.
