Sebino Plaku u shpall lojtari i ndeshjes Kamza-Flamurtari. Sulmuesi shënoi një gol të jashtëzakonshëm pas 5 minutash lojë dhe morri përsipër aksionin që i dha barazimin e merituar Kamzës në fund. Për “Supersport”, Plaku nuk arriti ta shpjegonte mënyrën si rodhi ndeshja drejt kalimit në avantazh të Flamurtarit. Për “Supersport”, ai theksoi se fitorja e Kamzës u mohua nga pritja në fund e Enea Koliqit, portieri i Flamurtarit.
“Nuk e parashikuam se do shkonte kështu. E shfrytëzuam shumë mirë mundësitë në fillim. Nuk mund ta di se çfarë ndodhi. U krijua panik dhe Flamurtari e shfrytëzoi shumë mirë këtë gjë. Ngjarjet rrodhën në një mënyrë që i kishte të gjitha. Por në fund morëm një hov. Ishte një moment që Flamurtari ra. Koliqi bëri një pritje shumë të mirë”, shprehet pas takimit Plaku.