Kur një romancë e mundshme dështon, ka dy opsione: ai/ajo refuzon ose refuzohet. Ibrahimoviç i ka të dyja. Vetëm pak ditë më parë, Jose Mourinho tregoi se kishte minimumin e interesit për të rikthyer tek Mancheshter United 37-vjeçarin, por nuk vonoi edhe përgjigjja edhe Ibrës… sigurisht në mënyrën e tij.
Portugezi ishte kategorik: Nuk ka mundësi që kthimi i tij në ekip të konsiderohet. Dhe çfarë bëri Ibrahimoviç? Edhe ai e refuzoi, por duke mos nguruar të lartësojë shumë figurën e tij.
“Jo, unë nuk e shoh veten te Manchester United, jam këtu në Galaxy, një ndeshje të dielën, kjo është e gjitha ku dua të përqendrohem dhe ende kushtoj shumë, kështu që…”, tha Ibra.
Me pak fjalë, suedezi nuk e mendon të kthehet në “Old Trafford”, edhe nëse diskutohet një gjë e tillë tek drejtuesit e klubit. Sa i përket thashethemeve që kanë qarkulluar në javën e “El Clasico” ku shumë media spanjolle kanë shkruar se Real Madrid ka menduar blejë 37-vjeçarin, të paktën për një kohë të shkurtër, Ibra përfundoi intervistën e tij me një shaka, që lë hapësirë për hamendësime.
“Ika, sepse më duhet të përqendrohem në ndeshjen e ardhshme (referuar Barcelona- Real Madrid)”, përfundoi Ibra.