Kosovari Florent Muslija ka realizuar gol të jashtëzakonshëm për Hannoverin ndaj Leverkusenit, në një ndeshje të Bundesligës, që po zhvillohet momentalisht.
Anësori kosovar shënoi nga rreth 30 metra largësi duke e tundur rrjetën e portës së Leverkusenit nga goditja e dënimit, duke i dhënë Hanoverit epërsinë prej 1-0 në këtë takim.
Florent Muslija është me prejardhje nga Kosova, por i lindur në Gjermani. Ai ka luajtur deri tani një ndeshje për ekipin kombëtar gjerman U-21.
