Futboll Shqipëri Sport

ISH-KAPITENI LE KOSOVËN PËR SHQIPËRINË/ Një mbrojtës më shumë për Panuçin

Emri më i ri që pritet t’i bashkohet Kombëtares Shqiptare të futbollit, është ai i Ardian Ismajlit, siç raporton Supersport. Bëhet fjalë për mbrojtësin 22-vjeçar të Hajdukut të Splitit, ish-kapiten i përfaqësueses së 21-vjeçarëve të Kosovës.

Mbrojtësi është pajisur me pasaportën shqiptare nga Presidenti i Republikës Ilir Meta dhe pritet që në nëntor të marrë një ftesë nga Panuçi për tu bashkuar me kombëtaren në grumbullimin për sfidën e Nations League me Skocinë dhe miqësoren e pak ditëve më pas me Uellsin. Futbollisti që aktualisht militon në Kroaci me Hajdukun e Splitit mund të luajë si në qendër të mbrojtjes ku spikat me aftësitë e tij ashtu edhe në krahun e djathtë, çka e bën një përforcim të rëndësishëm për këtë repart në grupin kuqezi.

Futbollisti i ri luajti ndeshjen e tij të fundit me 21-vjeçarët e Kosovës, 16 tetorin e kaluar, kur ishte në fushë në humbjen 3-0 në transfertën me Izraelin, por mungesa e një ftese nga trajneri i përfaqësueses së parë të Kosovës Bernard Shaland ka qenë me sa duket episodi i fundit që e ka shtyrë mbrojtësin drejt Shqipërisë. Në të kaluarën Ismajli është kërkuar me ngulm nga Panuçi për vetë potencialin që gëzon lojtari, dhe tani duket se në nëntor ai do të jetë përfundimisht lojtari më i ri që i bashkohet Shqipërisë, dhe i dyti rast brenda pak kohësh që kalon nga Kosova te kuqezinjtë pas Kastriot Dermakut.

Related posts

SFIDA NDAJ LAÇIT PËR CONFERENCE LEAGUE/ Trajneri i Kraiovës: Nuk mund të gabojmë, duam fitore

Delo.autor

E BUJSHME/ Plas skandali për Grealish pas ndeshjes me Shqipërinë, zbulohet tradhtia me aktoren angleze (FOTO)

Delo.autor

NJË NGA SURPRIZAT E SEZONIT/ Wolves rekord historik në Premier League, që prej vitit 2004 asnjë…

Delo.autor

Leave a Comment