Sidrit Guri nuk po kalon një moment aspak të mirë në Belgjikë me ekipin e Oostende. Sulmuesi kuqezi është futur në fushën e lojës në minutën e 62-të të lojës dhe nuk ka arritur të lërë gjurmë në fushë duke zhgënjyer për të disatën herë.
Ekipi i Oostende barazoi në transfertë ndaj Ëaasland-Beveren me rezultatin 1-1 duke bërë dy ndeshje larg fitoreve. Ish- sulmuesi i Kukësit është kontestuar dhe nga trajneri i tij duke thënë se nëse do të kishte një sulmues më të mirë shqiptarin nuk do ta aktivizonte. Kujtojmë se 24-vjeçari ka shënuar vetëm një gol në 9 ndeshje të luajtura. Këto nuk janë lajme aspak të mira për Panuçin i cili muajt e fundit po vuan për një sulmues i cili do ta çonte topin në rrjetë me lehtësi.
