Renato Sanches është i larguari i radhës nga Bajerni i Mynihut.
Lajmi është konfirmuar nga faqja zyrtare e Bayern Munich në Twitter, ndërsa Karl-Heinz Rummenigge ka deklaruar se Sanches ka kërkuar largimin sepse dëshironte t’i bashkohej një klubi ku do të luante rregullisht.
Pasditen e së premtes talenti portugez ka mbërritur në Francë për të nënshkruar me klubin e Lille-s.
Lojtari ka rënë dakord për të firmosur kontratën 5-vjeçare me klubin e Lilles të cilët kanë derdhur në arkat e Bajernit 25 milionë euro përfshirë bonuset.
Kujtojmë se Sanches te Bayern Munich është transferuar në kohën e Carlo Ancelottit, në vitin 2016.
