Rikardo Kaka është rikthyer tek Milan, ndonëse në një post administrativ dhe nisur nga kjo, kishin filluar të qarkullonin thashetheme se edhe Zlatan Ibrahimovic shumë shpejt do t’i bashkohej ish-ekipit të tij, por një gjë e tillë duket të jetë e pamundur.
Drejtori i kuqezinjve, Leonardo ka deklaruar se ka qenë në axhendën e diskutimeve të klubit rikthimi i 37-vjeçarit, i cili pavarësisht moshës po shkëlqen në Amerikë, por një gjë e tillë nuk është e mundur, të paktën në planet e tyre afatshkurtra.
Në një intervistë për Sky Sport Italia, Leonardo ka pranuar se ishte më shumë se një mendim i shkurtër që kur ai mori drejtimin e Milan, por ka theksuar se për momentin nuk është arritur një marrëveshje mes palëve, pa dhënë shumë detaje mbi arsyet.
“Ibra ka lidhje shumë të ngushta me Milanin, të gjithë e dinë këtë. Ne nuk mund ta mohojmë se ishte më shumë se një mendim i shkurtër që kalonte në mendje kur erdhëm së pari, pasi ai është i jashtëzakonshëm dhe ka karakteristika shumë të veçanta, por tani nuk është e mundur”, u shpreh Leonardo.
Zlatan Ibrahimoviç ka shënuar 42 gola për Milanin në mes të viteve 2010 dhe 2012, për t’u larguar më pas drejt gjigandëve të Ligue 1 Paris Saint-Germain. Karriera e tij është zhvendosur në Amerikë, ku luan për LA Galaxy. Ish- ylli i Suedisë ka treguar se mosha për të është thjesht në numër, pasi po shkëlqen në Ligën Amerikane, ku ka shënuar plot 20 herë dhe golat e tij nuk kanë qenë aspak të zakonshëm.