Është bërë zyrtare ditën e sotme lista e lojtarëve të grumbulluar nga trajneri Kristian Panuçi në Kombëtare. Shqipëria do të zhvillojë dy ndeshje të rëndësishme përballë Jordanisë dhe Izraelit dhe Panuçi ka surprizuar në disa zgjedhje. Padyshim që mungesa më e madhe e listës është ajo e lojtarit të Karabagut, Ansi Agolli. Mbrojtësi i krahut të djathtë ka pasur dhe rolin e kapitenit në ekipin kombëtar.
Nuk dihet arsyet e mos grumbullimit të Agollit në kombëtare. Teksa pas ndeshjes me Skocinë, Agolli u shpreh se Shqipëria ua dhuroi vet fitoren skocezëve. Ndërsa për mosaktivizimin e tij ai tha se ato janë punët e trajnerit dhe çfarë kishte për të bërë e kishte bërë në stërvitje.
