Ish-mis Shqipëria 2010, Nevina Shtylla, e cila tashmë është prezantuese në emisionin “Proçesi Sportiv” në Top Channel, vuri në siklet bashkë prezantuesin Edi Manushi. Bëhet fjalë për sondazhin e publikuar në “Instagramin”. Kush është fajtori për krizën e Tiranës? Presidenti apo lojtarët?
Vota e Nevinës në këtë rast shkon për presidentin, i cili sipas saj është fajtori kryesor për situatën që po kalojnë bardhezinjtë. Edhe pse Manushi nuk dëshironte që bukuroshja ta zbulonte votën, ajo e argumentoi zgjedhjen e saj duke u shprehur:
“Jap edhe unë një opinion time për këtë pjesë dhe kam përshtypjen se ai është personi vendimtar. Lojtarët le t’i lemë të luajnë dhe të bëjnë më të mirën e tyre”, u shpreh Nevina Shtylla. Kujtojmë që prezantuesja e ka shprehur hapur që është një mbështetëse e Tiranës.
