Ka startuar ndeshja midis skuadrës së Kosovës dhe asaj të Maltës që luhet në impiantin e rikonstruktuar tashmë “Fadil Vokrri”. Ekipi i drejtuar nga Shaland zbret në fushën e lojës si më favorit se kundërshtari dhe kjo është një mundësi e mirë për të marrë 3 pikë.
Në rast fitoreje “dardanët” do të mund të risin shanset e kualifikimit pasi do ta shikojnë veten në kuotën e 7 pikëve në kreun e klasifikimit. Në dy sfidat e para maltezët kanë siguruar vetëm 1 pikë. Më poshtë ndiqni dhe komentin “LIVE” të ndeshjes:
LIVE| Kosova-Malta 2-1
Kololli 30′ , Muriqi 68′ / Aguis 51′
74′ Zëvendësim te Kosova, largohet Valon Berisha, në fushë Besar Halimi.
70′ Malta me 10 lojtarë. Kapiteni Misfund ndëshkohet me kartonin e dytë të verdhë.
68′ GOOOOL KOSOVA 2-1. Sulmuesi Muriqi gjen rrugën e rrjetës, duke kaluar sërsh në avantazh “dardanët”.
65′ I pafat Zhegrova, godet sërish shtyllën, pas një gjuajtje të bukur nga e djathta.
61′ Rrahmani kërcen më lart se të gjithë, gjuan me kokë, por pret portieri
54′ Provon Zeneli të shënojë, por gjuajtja e tij, është devijuar në këndore.
51′ GOOOL MALTA 1-1. Aguis gjuan bukur me kokë, pas një krosimi nga këndi duke përshëndetur rrjetën.
46′ Staron pjesa e dytë, Kosova menjëherë në sulm, në kërkim të golit të dytë.
Mbyllet pjesa e parë 1-0.
45′ E pabesueshme çfarë humbet Muriqi. Me portën e boshatisur e ka nxjerrë topin jashtë kuadratit.
42′ Fantastik Zhegrova, shtylla i mohon golin. Dominim absolut i Kosovës.
37′ Muriqi del i vetëm me portierin, por ky i fundit i mohon golin me pritjen e tij.
33′ Zeneli merr një top në hyrje të zonës, rrotullohet dhe godet, por gjuajta e tij shkon mbi traversë
30′ GOOOOOL KOSOVA 1-0. Kololli kalon në avantazh “dardanët”. Goli i parë me fanellën e përfaqësueses.
28′ Kroson Zeneli në zonë, por ai top nuk arrihet as nga Muriqi dhe as nga Zhegrova.
22′ Një krosim i rrezikshëm drejt zonës, mundohet atje Muriqi, por gjyqtari akordon faull në sulm.
20′ Godet Zhegrova nga një pozicion mjat i mirë nga goditja e dënimit, por topi përfundon në duart e portierit të Maltës.
18′ Muriqi niset bukur, por arbitri ngre flamurin për pozicion të parregullt.
15′ Një harkim i rrezikshëm në zonë nga goditja këndore, largon mbrojtja e Maltës.
9′ Zeneli rrezikon nga e majta, vuan mbrojtja e Maltës.
3′ Rrezikon Kosova me Vojvoda, por nuk ka arritur që ta dërgojë në rrjetë atë top të krosuar nga Berisha.
1′ Starton sfida në “Fadil Vokrri”.
