Luhet sot në “Elbasan Arena”, ndeshja e javës së 10-të mes Laçit dhe Kukësit, ku bardhezinjtë vijnë si pritës në qytetin e Elbasanit, pasi stadiumi i tyre është në një fazë rikonstruksioni. Ekipi i Mërgjyshit, pasi pësoi javën e kaluar humbjen e parë kundër Teutës, beson te kthesa, edhe pse përballë ka një ekip të vështirë si verilindorët e Kukësit.
Nga ana tjetër, Cungu dhe të tijtë, ka deklaruar se kënaqet vetëm me 3 pikët ndaj Laçit, ndërkohë që kërkon të fitojë këtë sfidë, pasi në fazën e parë u ndalën në një barazim 1-1.
LIVE | Laçi-Kukësi 0-1
GOL: Uilliam 60′
KOMENTI LIVE
60’ GOOOOL Shënon Kukësi me anë të Uilliam Kordeiro Melo. Shafik jep një pasim fantastik, dhe braziliani nuk fal i vetëm me Selmanin. Festë e madhe te stoli i Kukësit, ku shihet edhe Rexhinaldo që përqafon trajnerin Cungu.
57’ Top i rrezikshëm ai që Selmani jep brenda zone për Toron. Mbrojtësi nuk rrezikon, dhe i jep Kukësit një goditje këndi.
50’ Provon Ethemi nga distanca, por topi përshëndet rrjetën e jashtme të portës.
48’ Provon Shkodra nga një largësi e madhe me të djathtën, por Selmani grushton për në goditje këndi.
46’ Nis pjesa e dytë, me një lëvizje tek ekipi i Kukësit. Çyrbja mbetet në dhomat e zhveshjeve, në fushë Valon Ethemi.
Mbyllet pjesa e parë. Laçi-Kukësi 0-0
45′ 1 minute shtesë.
34′ Altinparmakovski godet nga distanca, por topi bllokohet nga mbrojtja.
28’ Çyrbja hedh një top në sulm, ku gjendet rrezikshëm Rexhinaldo, por Toro në fillim, e më pas Fangaj, largojnë rrezikun.
26’ Shkodra niset bukur drejt qendrës së zonës, pasi ul një top të gjatë, por Berisha e ndal në një kohë vonesë, dhe goditje dënimi për verilindorët.
20’ Çyrbja niset në të djathtë pas një pasimi të Shkodrës, por krosimi i tij nuk gjen Rexhinaldon në zonën e portierit Selmanit.
18’ Najdenov provon befasin, godet nga distanca, por gjuajtja e tij shumë mbi traun e portës.
8’ Najdenov jep një top fantastik mes mbrojtjes së Kukësit për Shtubinën, por ky i fundit nuk arrin të shtyjë si duhet topin drejt portës së Frashërit.
5’ Krosim i Berishës nga e djathta për në qendër të sulmit të Laçit, por Frashëri kontrollon i sigurt me duar.
2’ Mbetet i shtrirë për pak minuta Uilliam, pasi shkelet nga Toro gjatë një luftimi për një top në sulmin e Kukësit.
1′ Nis ndeshja në Elbasan.