Përfunduan pak më parë 6 sfida e para të ditës së sotme të Ligës së Kombeve, por padyshim e gjithë vëmendja është te kryendeshja Holandë-Gjermani që ka startuar në orën 20:45. Tulipanët vijnë në këtë përballje pas humbjes ndaj Francës, ndërkohë që “panzerat” barazuan në shtëpi, përballë kampionëve në fuqi të botës. Një fitore në sfidën e sotme, do t’i mbante gjallë shpresat për vendin e parë.
Një përballje mjaft interesante dhe ajo mes Maqedonisë dhe Lihtenshtejnit. Skuadra e trajnerit Angelovski ka në formacionin titullar plot 6 shqiptarë. Bejtullai, Musliu, Alioski, Hasani, Elbas dhe Bardhi e kanë nisur sfidën nga minuta e parë.
Sfida e orës 15:00 mes Sllovakisë dhe Çekisë ishte ajo që ngriti siparin e ndeshjeve të ditës së sotme. Skuadra mike arriti të triumfonte me rezultatin 1-2 falë golave të Krmençik dhe Shik.
Surpriza më e madhe e ditës së sotme është padyshim triumfi në transfertë i Gjibraltarit ndaj Armenisë, i pari në historinë e kësaj kombëtareje jashtë fushe që pas krijimit.
PO LUHEN:
Holandë-Gjermani 1-0
Van Dijk 30′
Irlandë-Danimarkë 0-0
Bullgari-Qipro 2-1
Despodov 59′, Nedelev 68′ / Kastanos 41′
Maqedoni-Lihtenshtein 4-1
Trajkovski 10′, 30′, Pandev 36′, Alioski 67′ / Yildiz 37′
KANË PËRFUNDUAR:
Norvegji-Slloveni 1-0
Selnaes 45+5′
Armeni-Gjibraltar 0-1
Çipolina 50′
Gjeorgji-Andorrë 3-0
Vako 33′ , 84′
Letoni-Kazakistan 1-1
Karasauskas 40′ / Zainutdinov 16′
Sllovaki-Çeki 1-2
Hamshik 62′ / Krmencik 52′, Shik 76′