Po luhet në “Selman Stërmasti” sfida mes Shqipërisë U21 dhe Spanjës U 21 e vlefshme për kualifikueset e Europianit të 21-vjeçarit.
Edhe pse përballë është një skuadrës si Spanja e cila nuk ka nevojë për shumë koment, pasi mjafton të shikosh lojtarët që ka në dispozicion dhe skuadrat ku luajnë, kuqezinjtë e Bushit, do të provojnë të japin maksimumin.
Një ndeshje prestigji për Shqipërinë përballë kryesuesve të grupit me 21 pikë. Kujtojmë që përballje e parë mes këtyre 2 skuadrave e zhvilluar në Spanjë, përfundoi me rezultatin 3-0 për ibrikët. Skuadra e Bushit nuk ka asgjë për të humbur në këtë takim, teksa mban vendin e 5-të me 6 pikë në 8 ndeshje.
Sulmuesi Vrioni, i cili iu bashkua Shpresave ditën e sotme, ka startuar si titullar. Ndërkohë iberikët nuk i kanë kursyer yjet e tyre, teksa Lirola, Fabian Ruiz, Fornals, Majoral do të startojnë si titullarë.
LIVE| SHQIPËRI U21 – SPANJË U21
32′ Harkim i rrezikshëm në zonën e Kastartit, largon rrezikun në këndore Kryeziu.
30′ Zubel provon me një gjuajtje nga distanca, topi shkon ngjitur me shtyllën.
29′ Pranë golit Shqipëria me Vrionin, por sulmuesi nuk kordinohet siç duhet nga shumë pranë portës.
22′ Fornals futet bukur në zonë dhe provon me një gjuatje të rrezikshme, por topi shkon mbi traversë.
15′ Shpëton për mrekulli porta e Kastratit. Kapitene Mere kordinohet bukur pas një topi të harkuar nga këndi, por për fat të mirë topi shkon ngjitur me shtyllën.
11′ Vrioni dhuron spektakël duke shpërthyer bukur, por ndalet në momentet e fundit nga kapiteni Mere.
6′ Lirola futet bukur në zonë, por harkimi në zonë ka qenë i fortë dhe nuk është arritur nga asnjë futbollist.
3′ Rrezikshëm spanjollët me Majoral, por mbrojtësit largojnë rrezikun në këndore.
1′ Ka startuar me 1 minutë heshtje për shkak të viktimave të përmbytjes në Spanjë, sfida që po zhvillohet në “Selman Stërmasi”
