Pep Guardiola është gati të ofrojë 40 milionë paund për Nathan Ake. Trajneri i Manchester City-t do të bëjë maksimumin që të bindë mbrojtësin holandez të nënshkruajë me ta në janar. Tekniku spanjoll është gati të futet në garë me United dhe Tottenham për të nënshruar me 23-vjeçarin e Bournemouth.
Paraqitjet e tij pozitive në Premier League kanë tërhequr interesin e ish-trajnerit katalanas, i cili ka mbetur i impresionuar nga holandezi. Ake luan në qendër të mbrojtjes, por mund të luajë edhe në krahun e majtë. Pep mendon se ky është lojtari i duhur për “Qytetarët”, pasi ka potencial për t’u bërë një futbollist i klasit botëror.
23-vjeçari ka dalë nga Akademia e Chelsea-s, para se të huazohej më pas te Reading, Watford dhe te Bournemouth. Në vitin 2017-të, drejtuesit e klubit vendosën që t’a blinin përfundimisht kartonin e tij. Ake ka zhvilluar 44 ndeshje me Bournemouth, ku ka shënuar 3 gola. Ai është pjesë e kombëtares së ‘Tuplipanëve’, me të cilët ka luajtur në 7 ndeshje dhe ka realizuar një gol.
I pyetur rreth interesit që Spurs dhe United kanë shfaqur për të, ai mohoi një largim të mundshëm nga “The Cherries”.
“Për momentin luaj me Bournemouth dhe po më ecën shumë mirë, kështu që jam i përqendruar totalisht këtu”.Nga ana tjetër, Guardiola i ka kërkuar drejtuesve të klubit që të punojnë për zgjatjen e kontratës me Leroy Sane. “Pa dyshim, klubi po punon për këtë”- tha tekniku spanjoll.
