Takimi mes Flamurtarit dhe Teutës, pati shumë raste të diskutueshme në fushën e lojës. Që në minutën e 25-të, Alvesh shënoi pas një skeme nga goditja e dënimit, por durrsakët pretenduan se në momentin e fundit, braziliani ishte pozicion jashtë loje, pasi u shërbye nga Musta, dhe goli duhej anuluar.
Në të 34-të, Latif rrëzohet në limitet e zonës, dhe djemtë e Shkëmbit kërkojnë penallti. Kryesori Hamiti jep faull jashtë zone, gjithsesi durrsakët e harrojnë në një farë mënyrë, pasi edhe nga ky faull, vjen goli i Prognit, që barazon shifrat.
Më pas, ka shumë faulle në mesin e fushës, shumë kartonë të verdhë për vlonjatët, dhe Daja acarohet në një moment me trupën e arbitrave, për këto vendime.
Gjithçka tensionohet në fund, kur Torasa shënon në sekondat e fundit, por goli anulohet, pasi në momentin që argjentinasi merr topin, sipas edhe ndihmës së anësorit, ai e ka shtyrë sferën me dorë, dhe goli anulohet. Ka shumë protesta ka vlonjatët, ndërkohë që durrsakët që në momentin e parë, protestuan për prekje me dorë.
