Pas ndeshjes së zhvilluar në “Elbasan Arena”, që përfundoi me fitoren Partizanit 1 me 0 përballë Kukësit, për “Supersport” foli dhe lojtari Jurgen Bardhi i cili u shpreh:
Pas 8 javësh keni dhënë 3 asist. I mërzitur apo i kënaqur?
Nuk jam i mërzitur, rëndësi ka që të eci skuadra. Edhe kur kam qenë te moshat kam dhënë më shumë asist.
Sezoni më i mirë i juaji?
Është ende herët për ta thënë këtë. Do të vazhdoj të punoj më shumë. Nëse mbaj këtë ritëm deri në fund atëherë do të jetë më i miri.
Cili është pozicioni jot ideal, ai i numrit 10 apo maja e sulmit?
Të dy rolet. Më shumë më pëlqen numri 10, por edhe pyka më jep mundësi që të jem në kontakt me topin. Të dyja rolet nuk i kam problem. I luaj të dyja?
Mund të thuash një element që Gega e bën ndryshe nga trajnerët e tjerë?
Trajneri Gega është shumë i komunikueshëm. Na jep zemër dhe të rinjve u jep një shtysë më shumë. Të jep aq sa meriton dhe kjo është shumë e mirë që trajneri t’u jap besim lojtarëve.
