Barcelona do të ndeshet me Inter në mbrëmjen e së mërkurës, dhe tani kanë dalë në shesh detaje të reja të kohës së Icardi-t te gjigantët katalanas. Argjentinasi ka qenë pjesë e akademisë së famshme të Barcelona-s La Masia, duke iu bashkuar klubit më 2008.
Por Icardi nuk përmbushi pritshmëritë dhe si pasojë u transferua në Serie A, duke u kthyer në një nga bomberat më të frikshëm të viteve të fundit. Goal.com ka zbuluar pse ai nuk u kthyer në një sensacion te Barcelona. Dhe mesa duket, Lionel Messi ka qenë arsyeja e dështimit të tij në Spanjë.
Pep Guardiola po transformonte Messi-n një një 9-të false gjatë asaj kohe, duke u kërkuar trajnerëve të moshave të implementonin të njëjtin sistem. Dhe tani pretendohet se Icardi nuk ishte i gatuar për atë lloj sistemi. Ai nuk dukej rehat me atë sistem loje. Ai nuk lidhej mirë me mesfushorët.
Icardi ofronte cilësi të tjera, dhe nuk ishte i përgatitur të adaptonte stilin katalanas për shkak se kishte karakteristika të tjera.
Icardi eventualisht u largua më 2011, kur Sampdoria mori lojtarin përpara se ai të bënte një ndeshje të vetme me ekipin e parë të Barça-s.
