Juventusi vazhdon të ëndërrojë Marcelon nga Reali i Madridit, por ndërkohë duhet të ruhet që të mos humbë Alex Sandron, pa gjetur një zëvendësues të denjë.
Në ndeshjen e së martës në mbrëmje, në “Old Trafford”, në tribunë kanë qenë të pranishëm emisarë të klubit të Manchester Cityt, të cilët kanë mbajtur nën vëzhgim mbrojtësin e majtë brazilian dhe më pas janë parë që të bisedojnë me zëvendëspresidentin bardhezi, Pavel Nedved.
Shumë burime angleze nënvizojnë se Pep Guardiola është i bindur se Alex Sandro është përforcimi i duhur për korsinë e majtë të Cityt dhe është gati që të plotësojë kërkesat ekonomike të “Zonjës së Vjetër” (Juventus pretendon të paktën 60 milionë euro), që në merkaton e janarit.