U luajtën ditën e sotme 5 takimet e vlefshme për javën e 6-të të Kategorisë së Parë, Grupi B, ku nuk munguan Surprizat. Një rivalitet tepër i ashpër në këtë grup, teksa mjafton të shikoni edhe renditjen. Kryesuesit e Pogradecit kanë një diferencë me vetëm 5 pikë nga vendi i 8-të që mbahet nga Lushnja.
Liqenorët e shohin veten në krye me 12 pikë, 1 më shumë se Oriku dhe Besa, që e ndjekin nga pas. Aty pranë ndodhen edhe Egnatia me Bylisin që kanë arritur të grumbullojnë nga 10-të pikë. Pra plot 8 skuadra janë në luftë për kreun pas përfundimit të javës së 6-të, pavarësisht ndonjë hapi fals të bërë.
Për sa i përket fundit të renditjes, Elbasani është duke kaluar një krizë të thellë, teksa nuk ka arritur të sigurojë pikën e parë, duke mbyllur tabelën me 0 pikë në 6 ndeshje.
