Në një intervistë ekskluzive të dhëne për “Il Corriere dello Sport”, trajneri i Marseille, Rudi Garcia, i është përgjigjur pyetjes se kush do ta fitojë “Topin e Artë”: “Griezmann ose Mbappe. Ndoshta Griezmann është pak më përpara”.
54-vjeçari foli përgjithësisht për eksperiencën e tij tek Roma, duke zbuluar shumë detaje të pathëna më parë: “Problemet e mia me Romë-n filluan në fund të sezonit të dytë, pas fitimit të derbit që na siguroi vendin e dytë në tabelë: në atë moment unë shpreha mendimet e mia rreth diferencës së madhe me Juventus dhe pamundësive tona për të fituar titullin. Që nga ai moment eksperienca ime tek Roma përfundoi. Rruga ime ishte e shkruar”.
Trajneri i Marseille, tha edhe diçka në lidhje me zërat që e lidhnin atë me Inter-in: “Mundësia për të qëndruar në Itali ishte. Më pas më erdhi oferta nga Marseille, një klub që ka fituar Champions League, aty ku unë duhet ti dërgojë sërish”.
