Bashkëshortja e Dani Alvesit, modelja spanjolle, Joana Sanz ka shpjeguar në Instagram Stories motivet se përse kishte vendosur të ndërhynte sërish me operacion plastik për të ribërë gjoksin, pra për ta kthyer sikurse e kishte kur ishte adoleshente.
“Bëhet fjalë për një temë delikate dhe nuk dua të influencoj me mendimin tim. E bëra gjoksin sepse, kemi stereotipin që një grua duhet ta ketë të bollshëm. Për një adoleshente, që pëlqente botën e modës, ishte gjithmonë presioni që nuk korrespondonte me këtë stereotip. Sot nuk do të kishë ndërhyrje për ta bërë gjoksin më të madh, sepse për modën nuk është e nevojshme madhësia. Përkundrazi, kanë sukses vajzat me gjinj të vegjël.”