Shqipëria do të luajë nesër sfidën e tretë në grup për Ligën e Kombeve, atë ndaj Izraelit në transfertë, ndërkohë që UEFA ka bërë të ditur edhe arbitrat që do vendosin drejtësi në këtë sfidë.
Trupa e gjykimit është italiane, dhe kryesor do të jetë një “bilbil” i njohur në Seria A, por edhe në Europë, Paolo Maxoleni. Asistentët e tij do të jenë Fabiano Preti dhe Mateo Paseri, ndërkohë që pas portave do të jetë Davide Maa dhe Piero Xhakomeli. Arbitër i katërt, Xhorxho Pereti.
Maxoleni është i njohur në ambientin shqiptar, për “finalen” e arbitruar në 2017, mes Vllaznisë dhe Tiranës në “Loro Boriçi”, ku pas barazimit 0-0, Tirana ra nga Kategoria Superiore. Më parë ai ka arbitruar Shqipërinë edhe në humbjen me Ukrainën në miqësore, me shifrat 1-3.
