Uejn Runi ka zbuluar pjesë nga koha kur ka qenë lojtar i Mançester Junajtid. Anglezi tregon sesi sillesh me futbollistët e rinj që transferoheshin, duke i bërë ata të silleshin mirë, pasi grupin e kontrollonin 5 futbollistë, në mënyrë që Ferguson të ishte i qetë.
“Unë, Nevill, Gigs, Skolls dhe Ferdinand, që donim të mirën e skuadrës, nuk do të lejonim askënd që të sillte probleme brënda në ekip. I mbanim të gjithë nën kontroll dhe Ferguson nuk kishte pse të bëntë diçka të tillë”, zbulon Runi.
Gjithashtu ai ka folur edhe për skuadrën aktuale të Junajtid, duke udhëzuar se ata mund të përsërisin stilin e Fergusonit. “Skuadra jonë nuk ka luajtur vetëm në sulm, madje shumë takime i kemi luajtur në kundërsulm. Asnjëherë nuk jemi futur në fushë me mendimin se do të sulmojmë gjatë gjithë kohës. Ndaj ekipeve të caktuara kemi goditur vetëm me kundërsulm dhe e kemi bërë në mënyrë të shkëlqyer”, ka përfunduar Runi, i cili aktualisht luan në MLS me skuadrën e DC Junatid.
