Xherdan Shaqiri është duke shkëlqyer me Liverpool në Ligën e Kampionëve. Futbollisti me orgjinë shqiptare, u besua si titullar sonte nga Jurgen Clopp, në sfidën e Liverpool kundër Crvena Zvezdës.
Në minutën e 45` të ndeshjes, Shaqiri u bë protagonist, pasi dha asistin e golit të dytë për Liverpool, që dyfishoi me Salah. Shaqiri merr një pas nga jashtë zone dhe menjëherë e shërben te Salah, që ndodhet afër portës kundërshtare. Futbollisti egjiptian dërgon topin në rrjetë, duke i çuar shifrat në 2-0 kundër skuadrës serbe.
Sakaq goli i parë për Liverpool u shënua nga Firmino në minutën e 20` të takimit. Në rast se sfida mbyllet me fitoren e Liverpool, skaudra e Jurgen Clopp shkon kuotën e 6-të pikëve në renditje.
Sakaq asisti i Xherdan Shaqirit për golin e dytë, duhet të ketë tërbuar jo pak serbët. Tifozët e kanë kontestuar dhe sulmuar jo pak futbollistin me orgjinë shqiptare, që luan për Liverpool dhe përfaqësuesen e Zvicrës.
