Santiago Solari humbet edhe Marcelo-n. Anësori brazilian pësoi një dëmtim në “El Clasico-n” kundër Barcelonës në këmbën e djathtë dhe me sa duket do të mungojë të paktën për dy javë te Real Madridi. Por shkalla e dëmtimit do të përcaktohet nga mjekët e ekipit.
Duhet thënë se mbrojtësi të njëjtin dëmtim e pësoi edhe në shkurtin e kaluar dhe nëse rikuperimi do t’i marrë të njëjtën hapësirë kohore, atëherë lojtari do të mungojë në takimet ndaj Melilla-s (Kupa e Mbretit), Valladolid dhe Celta (Liga) e Viktoria Plzen (Champions League), por mund të jetë në dyshim edhe për takimin ndaj Roma-s më 27 nëntor. Sipas shtypit spanjoll duhet parë se si do të shkojë faza e rikuperimit e tij, pasi gjendja duket serioze.
Një moment aspak i mirë për trajnerin e ri Solari i cili zëvendësoi Lopetegui-n e ka detyrën e vështirë që të rikthejë buzëqeshjen te “galaktikët”. Por aktualisht në infermieri janë futbollistët Dani Carvajal, Mariano Diaz, Raphael Varane dhe Marcelo.
