Luciano Spalletti ka mendon se ekipi i tij luajti mirë vetëm në pjesën e parë. Icardi shënoi një dopietë në Stadio Olimpico për fitoren e gjashtë radhazi në Serie A, duke ngjitur Inter në vend të dytë.
“Paraqitja e ekipit është gjëja më e rëndësishme. Kemi mundësinë të kontrollojmë ndeshjen siç e bëmë në pjesën e parë, ndërsa në të dytën kemi humbur topin më shumë sesa duhet, duke lejuar Lazio-n të na shkaktonte probleme,” shprehet Spalletti për Sky Sport Italia.
“Prandaj them që nuk jemi anti-Juve. Luajtëm mirë në pjesën e parë, dhe kaq. Kjo është ambicia e Inter, të ketë mentalitetin dhe të kontrollojë ndeshjen në Olimpico ndaj një ekipi cilësor.
“Mendoj se kemi gjetur një lojtar kyç me Brozovic. Ai ka një kompas në këmbët e tij, ai e njeh futbollin dhe di të dallojë shokët e lirë.
“Ai është mësuar me pozicionin e ri dhe i shkakton mjaft probleme kundërshtarit, gjithashtu ka inteligjencën dhe karakterin për të luajtur aty. “Joao Mario filloi ta humbte shumë topin teksa u lodh me kalimin e minutave. Ideja gjithmonë ishte të futej Valero pas 60 minutave.”
