Pas Cristiano Ronaldo, një tjetër yll flitet se mund t’i bashkohet Serisë A në të ardhmen. Sipas ish yllit të Argjentinës, Javier Saviola, në fakt, Leo Messi mund ti bashkohet Interit në të ardhmen.
Duke folur për ‘FCInterNews.it’, ish-sulmuesi tha: “Leo është një simbol i Barcelona-s, është e vështirë ta mendosh atë me një fanellë tjetër. Gjithsesi, në të ardhmen, mund të ndodhë gjithçka dhe kjo është arsyeja pse tifozët e Interit nuk duhet ta humbin shpresën. Por e përsëris, do të ishte e vështirë ta shihje Messi-n në një ekip tjetër”.
“Imazhi i Serisë A është rritur muajt e fundit, falë transferimit të Cristiano Ronaldo-s. Ylli Portugez po shkëlqen edhe në kampionatin italian, siç ka bërë në Premier League dhe La Liga”.
Edhe pse do të jetë e vështirë për të parë Messi-n dhe Ronaldo-n të luajnë në të njëjtin kampionat në të ardhmen, Saviola beson se tifozët e Inter-it ende mund të shpresojnë për ta parë yllin e Argjentinës me fanellën zikaltër.
