Lazio ka lajmëruar se Ciro Immobile dhe Sergej Milinkovic-Savic kanë rinovuar kontratat e tyre me klubin deri më 2023. Marrëveshjet janë konfirmuar gjatë një deklarate për shtyp në faqen zyrtare të Lazio-s.
Sulmuesi kryesor i ekipit Ciro Immobile ka firmosur një kontratë nga e cila do të përfitojë 3.2 mln euro në sezon plus bonuse.
Ndërsa mesfushori i shumëkërkuar Milinkovic-Savic thuhet të ketë nënshkruar për 3 mln euro plus bonuse dhe pa klauzolë lirimi.
Dy lojtarët kanë humbur vetëm një ndeshje këtë sezon teksa Aquile ndodhen në vend të shtatë të Serie A pas po aq ndeshjeve.