Interi e humb yllin kroat për ndeshjen e fundjavës në Serie A. Marcelo Brozovic nuk është pjesë e skuadrës së Interit që ka udhëtuar drejt Ferraras për t’u përballur me SPAL-in të dielën në mbrëmje, për shkak të një problemi muskulor. Takimi mes SPAL-it dhe Interit zhvillohet të dielën në orën 20:30.
Mesfushori kroat e dëmtoi muskulin gjatë një seance stërvitore të shtunën. Ai ishte pjesë e skuadrës së thirrur fillimisht për ndeshjen e nesërme, por u largua një orë më pas.
Skuadra e Interit për ndeshjen ndaj SPAL-it: Handanovic, Padelli, Berni; Vrsaljko, De Vrij, Ranocchia, Asamoah, Miranda, Dalbert, D’Ambrosio, Skriniar; Gagliardini, Vecino, Nainggolan, Joao Mario, Borja Valero, Perisic; Icardi, Lautaro Martinez, Keita Balde, Politano, Candreva.
