Mesfushori i Juventusit, Emre Can, i është nënshtruar një ndërhyrjeje kirurgjikale ditën e sotme në Frankfurt të Gjermanisë.
Siç raporton faqja zyrtare e kluit italian, operacioni i Emre Can ka dalë me sukses. Mesfushori pas shfaqjes së shqetësimit me tiroidet është nisur menjëherë për kontrolle më të avancuara mjekësore dhe më pas është parë i nevojshëm operacioni në Gjermani. Gjithsesi, nuk ka asgjë për t’u shqetësuar, pasi nuk bëhet fjalë për ndonjë problem serioz shëndetësor.
Se kur do të rikthehet është ende e paqartë. Sipas mediave italiane mungesa e tij nga fusha do të zgjasë një muaj ndërsa nga “Zonja e Vjetër” bëjnë me dije se do të përmirësohet më shpejt.
24-vjeçari është bashkuar me Juventusin këtë verë, pas një transferimi falas nga Liverpool dhe ka bërë 10 paraqitje në këtë sezon.
