Priten probleme të reja për Milanin, skuadër e cila, pas vendimit të CAS-it, që ndaloi përjashtimin e kuqezinjve nga garat europiane, tani pret sanksione të reja nga UEFA. Në Nyon, në fakt, sipas një raporti të “La Gazzetta dello Sport”, motivimet e një vendimmarrjeje të tillë të gjyqtarëve të Lausanne kanë mbërritur dhe ndoshta deri në nëntor, komisioni gjykues do të riformulojë dënimin e parë.
Duke pasur parasysh ndryshimin e pronësisë së Milanit nga Li tek Elliott, një kusht thelbësor në gjykimin e CAS, nuk duket i pamundur një përjashtim i ri, por edhe falja totale. Me pak fjalë, Milani rrezikon një sanksion të ri, duke filluar nga një gjobë, deri në kufizimin e merkatos në hyrje.
Në atë pikë, kuqezinjtë do të duhet të vendosin nëse do të kthehen përsëri në CAS, dhe për këtë arsye të zgjasin orët e angazhimit juridik, apo të pranojë dënimin UEFA-s dhe pastaj të fillojnë marrëveshjen e pashmangshme të shlyerjes së dënimit.
Pra, vitet e ardhshme nuk do të jenë të thjeshta për Milanin, i cili do të duhet të paraqesë një plan solid për t’u larguar nga deficiti i lartë aktual. Plan shumë i ngjashëm me atë, të cilën u detyruan ta zbatojnë Roma dhe Interi në sezonet e fundit.
