Sulmuesi i Monaco-s Radamel Falcao e ka lënë derën e hapur për një rikthim te Atletico Madrid pas ndeshjes me ish-ekipin e tij të mërkurën në Champions League. Falcao u fut si zëvendësues dhe shpërdoroi një penallti në minutën e 83-të gjatë humbjes 2-0 të ekipit të tij që do të renditet në fund të grupit A.
Kontrata e Falcao-s do të skadojë sezonin e ardhshëm dhe ai ka shprehur dëshirën për një rikthim te klubi ku u bë i famshëm.
“Asnjëherë nuk i dihet se çfarë do të ndodhë në të ardhmen. Dihet që Atletico do të jetë gjithmonë në zemrën time. Nuk e di, mbase kur të më mbarojë kontrata te Monaco, nuk e di se çfarë do të ndodhë. Gjithmonë e mbështes Atletico-n,” shprehet 32-vjeçari.
“Pritja që më bënë tifozët ishte e madhe. Por duhet të fokusohem tek ekipi im që ka një finale të shtunën (ndaj Montpellier).