Barcelona po kërkon të përforcohet në merkaton e janarit dhe në planet e skuadrës “blaugrana” është mbrojtësi 34-vjeçar Branislav Ivanovic, ish-kapiteni i kombëtares serbe. Lojtari që deri një vit e gjysmë më parë ka luajtur me Chelsea në Premier League, prej më shumë se një sezoni është transferuar në Rusi, ku luan me ekipin e Zenit Shën Petërburg. Një mbrojtës me përvojë që pritet të transferohet në La Liga që në janar, duke qenë si garanci në këtë repart për shkak të problemeve që ka mbrojtësi francez i qendrës Samuel Umtiti.
Umtiti është ende në periudhë riaftësimi dhe te Barcelona nuk janë të sigurtë nëse ai do të jetë gati pas dhjetorit, ndaj një veteran si Ivanovic, edhe në arenën ndërkombëtare, do të ishte një përforim i rëndësishëm. Në Premier League, me fanellën e Chelsea, Ivanovic fitoi 3 tituj kampionë, Champions League dhe Europa League si dhe 3 herë trofeun e FA Cup. Pritet që Barcelona t’i ofrojë serbit një kontratë 6-mujore, deri në fund të sezonit, me shpresën që të nënshkruajë me Matthijs De Lingt (19 vjeç) verën e ardhshme.
